佇風雨中向前行的鼓手
無論風雨有外大
對細漢到年老
追求生活的正義
懷著悲苦的心情寫詩、奮鬥
佇 南投小學校 台中一中
南洋做志願兵 東势林場
台中市政府 台中市文化中心
攏拼勢向前行
看到無甲意 無合正義的代誌
摃鼓鼓吹大家站出來戰鬥
你雖然感嘆：
尚好嘜寫詩
寫詩實在痛苦
為著寫詩
打壞人際關係
生活嘛才會落魄
毋閣
你一直寫
一直推動詩的教育
桌親像一直摃鼓
鼓舞眾人為理想打拼 向前行
啊！ 佇風雨中向前行的鼓手
阮大家會學你
無論風雨外大 攏會向前行
全站熱搜
留言列表
留言列表發表留言
