close
後來，逐年的春天
恁約束佇遮相見
綴著風起飛的姿勢贊聲
做伙用青春
講出無仝款的夢
阮聽著每一个
春天的故事
猜想恁心中的信仰
歆羨著恁的衝踫
熱情 憤概 忍
耐 等待 悲哀
青春路途中
綴著恁的腳步來行
頂年的春天
阮綴著日頭出門
佇民主的街頭
無張持行到
自由的
盡磅
強欲放捒彼个
予人拍醒
袂赴完成的夢
放捒著自尊佮自由
由在怹耍斷
成做軟汫的屈勢
試探怹的輕重
強忍心中飽滇的氣力
寬寬仔恰恁應聲
今年的春天
阮聽著天頂響出
轟
親像咧恰阮講
對天堅定著意志恰勇氣
把握風起飛的時陣
做陣佮怹偃倒
完成咱攢好的理想
予青春的花蕊
佇二月結成
咱的春天
（寫佇二○一○年）
全站熱搜
留言列表
