close
希望 賴惠美 2006.10.20
讀了俄羅斯詩人－康斯坦丁˙米哈益拉維奇˙西蒙諾夫个詩︿無題（等我，我一定會轉來）（《臺灣現代詩第七期》P99-101），感動佮全身軀起加冷筍，頭殼皮起壇。
詩句內用「秋天金色ｅ雨／白色ｅ雪／熱佮無法度忍耐／已經無批信寄來」來表示時間已經過了過，長落落个日子，數不清个無耐。「希望」是唯一个寄託，
就算是後生佮阿母、朋友攏已經放棄我，我也袂使放棄自己，用「等待」來救家已。最後，伊敢希望有一人會使相信伊，會使等伊，就是伊个愛人，按呢伊就有力量，佇戰場找一個活落去个力量。
伊用簡單个言語，深刻个描寫出佇前線个士兵心情。希祁會使平安轉來，就算是死佇戰場啊，也希望大家毋通袜記伊，遐爾深刻个呼籲，使人心疼。
常常聽我媽媽講起伊少年時个代誌，堵空襲，欠物資，無鐵無糧，連阿姨出嫁時要款嫁粧，有錢也無塊買。一次美軍臨時來襲，沿鐵支路彈槍，伊剛好佇田裡作息，彼種驚惶个情況，伊至今還記憶尤新。
有走過戰爭時代个人，才知影疼。
美國發生「９１１」事件至今五週年，近年來拍攝戰爭个影片也特別濟。佇所有个影片裡面，不管是由什物觀點切入，攏有一个共同點，就是，領導者只要下口令爾爾，死也是士兵，痛苦卻是百姓。
發動戰爭是一時，但是留下个傷疼卻是永久，戰爭使人家破人亡，時間與空間卻會乎大家放袜記，康斯坦丁希望伊个詩，會當予大家永遠記憶戰爭个殘酷。
全站熱搜
留言列表
