close
秋收个時節 （客語詩） 江嵐
伯公下个桂花
香篇規條樟樹林
細人打紙炮
大人打嘴古
山前山背上家下屋个婦人家
chhii雞鴨擐酒拜伯公个時節
阿輝伯就會發落理事同ten手个人選
阿炳叔姆下隻月做生日
牛牯仔中秋過嫁老妹
阿水伯年尾愛討心舅
大家共下相惜守顧莊園
一代過一代傳承个家業
歇在山頂个客家人
無做大戲也無打彩茶
總係騰年騰節
騰神騰佛過日仔
【註解】
打嘴古：聊天。
上家下屋：左右鄰舍。
chhii雞鴨：殺雞宰鴨。
擐酒：打酒，買酒之意。
伯公：此為土地公之意。
ten手：幫忙。
下隻月：下個月。
牛牯仔：阿牛仔。
心舅：媳婦。
歇：住在。
打彩茶：客家彩茶戲之簡稱。
全站熱搜
留言列表
